箍完過程一共3年幾,想講的小插曲實在太多,從頭同大家分享一下我的經歷!  可能你會覺得係打手post,不過wtever,我係好想記錄下經歷 同 真心多謝一下幫我箍牙既陳醫生, 因為排牙本身好難搞。   我本身前面門牙掂唔埋,一直都咬唔到麵吃,更加笑得唔好睇!(有相)箍完咁耐之後我終於知道叫做 - ‘前開咬合Anterior Open Bite’!仲有上下中線都對唔齊 ...   所以一直都想貪靚箍牙。睇過好多牙科醫生,為左對中線箍傳統鋼線都係要我脫4隻小臼齒,同埋打骨釘。都去過幾個隱適美KOL,趙創波,康齒堂,林靜怡。可能我個case比較難,年期長,佢地都唔係好踴躍叫我做。 我一直以為傳統鋼線,一定好過隱適美。實在實在太恐怖,一直都處於放棄狀態。   結果我因為門牙生牙瘡(為求真實有相)去睇荃灣全科陳澔賢牙醫,竟然開始我隱適美invisalign箍牙旅程。   陳澔賢醫生唔係淨係做箍牙,係咩都做全科牙醫。診所設備幾先進,咩儀器都有,佢杜牙根幫我做得好好,我臨走多口問箍唔箍到牙?   陳醫生竟然話可以,反而推薦要隱適美;但我不斷質疑是否鋼線比較好。 end up陳醫生比我質疑到煩XD 好堅決話我聽用隱適美,骨釘都唔洗落。話只需要擴闊個牙弓,前面門牙已經可以掂翻唔少。  而且隱適美做門牙掂唔到效果係好過傳統鋼線。原來鋼線一定好係錯既!   由於杜牙根時候影左CBCT(三維電腦掃描),所以睇埋確保牙齒移動時候唔會移出牙骨外面。(梗係無額外比錢啦!ha)都係第一次聽箍牙用埋3D x光睇牙腳位置,因為大部分都只用2D x光。   聽到曙光梗係去馬。我total 箍牙5萬蚊。第一次用scanner scan做clincheck收4千, 到confirm clincheck比2萬,其餘尾數每次覆診比小小,分期都唔使,省返! 每次覆診醫生都話遲D比遲d比😂,慌死你比曬錢。姑娘全部好有禮貌好nice! reception個姑娘rainie好靚女   陳澔賢醫生做隱適美牙模用invisalign itero scanner來做,唔洗倒膠水。(聽返原來好多sis 倒膠水會作嘔好慘)但基本上forum 提過既牙醫全部都會用scanner,唔需要我多講。   開頭話牙模大概1個月之後返去睇clincheck, 但係我等左3個月.....本身想投訴haha,但原來陳醫生比我睇返將個clincheck改左18次.....因為佢要試好幾個方案先決定到! 所以坊間好多自助箍牙,唔係話唔行,不過真係唔係咁簡單!   最終我total 係 1次治療(未戴曬)+2次refinement = 55+30+17 = 102 個箍,每個戴10日。頭頭尾尾箍左3年幾。醫生每次比箍都比好多個,但就照樣3個月覆診一次,唔會因為無比錢就hold住D箍。 中途試過偷懶,試過戴得唔好,比醫生話過我。陳醫生係會洗你腦,誓死要你戴好個箍,好似 personal trainer 咁篤住你!佢超級強調戴箍22個鐘都唔夠,最好24個鐘。    我最最記得,上箍黏完粒粒個appointment,臨走時佢問我, ‘如果突然地震,你要拿咩走?’    我答“電話?”.........然後佢竟然罰我留堂,咩料....去第二間房等佢。而我又未明,竟然果下又真係坐係到,好認真咁霖個答案。霖霖霖,然後佢5分鐘後行入來問我知道答案未。 原來個答案係,就算地震第一時間記得拿走曬D 牙箍hahahahhaha 。 所以基本上想箍透明,自己安份戴箍好重要。我基本上戒左食零食,大部分時候飲水,皮膚係好左。因為醫生話一除左個箍就要開始有內疚感,唉所以後尾都懶得除箍,不如唔好吃。就來男朋友約吃飯都唔去啊!幫佢省一筆,吃飯錢比埋我箍牙算數。   另外最後講一講,大家箍牙最驚被醫生收曬錢半途而廢。陳醫生好明顯唔同,佢診所卡片個wtsapp佢自己覆,有時候半夜都會應你。如果唔想下下去尖沙嘴中環,可以考慮下。   仲有最後既最後,我順道求證過,現在其他牌子zenyum,smileloves 果D效果如何。 原來新出牌子基本上矯正只適合前面幾隻門牙簡單排齊。如果涉及後面大牙移動,就做唔到,要用返隱適美invisalign。   總之3年過去,終於完成漫長既箍牙,趁lee個肺炎期間超級假期home office整理一下回憶。盼望肺炎盡快過去,所有人可以好似以前感。好似隱適美公司係肺炎期間有推廣,大家可以自己問下。  希望各位箍到牙整齊 身體又健康   #隱適美 #invisalign #箍牙 #透明箍牙 #荃灣箍牙 #牙醫 #zenyum #similelove  

個個朋友都話我棚牙好整齊,因為我而家箍緊隱適美矯齒隱形牙箍囉,仲有4個箍先箍完!不過效果我就好滿意喇👍🏻就算箍緊牙,都可以開心自信咁笑😆其實今次已經係我第二次箍牙喇,第一次係我小學嘅時候,嗰時係用鋼箍,由於仲係讀緊書所以就揀佢,因為價錢平啲啊嘛😊不過就戴得冇咁舒適,因為啲鋼箍會刮到啲牙肉,成日都有刮損嘅情況出現😣除此之外,由於個鋼箍冇得除,所以係清潔牙齒方面都會比較麻煩添😢所以我今次箍牙就揀隱適美喇!人大左,做嘢成日要對住客人都想美觀好d㗎嘛,隱適美嘅隱形牙箍就岩曬喇🥰可以輕鬆箍牙之餘又不影響外觀,而且對清潔牙齒完全無影響👍🏻其實市面上仲有幾間隱形牙箍嘅公司,點解我會揀隱適美呢?隱適美係美國公司,全球瞬速超愈680萬用家,No.1 最多朋友推薦隱形牙箍品牌,雖然價格會貴啲,但係非常專業同可靠,Invisalign 擁有超過880項專利和外國認證,更獲美國FDA批准!有近千名合作牙醫,定期覆診並由牙醫監控療程,信心保證👍🏻好多朋友都想知道流程咁我就喺度介紹一下😊1️⃣初次諮詢時,牙醫會了解你希望改善的方向及顧慮,並臨床檢查口腔狀況,亦會為你的牙齒拍照,拍攝X光,並利用口腔掃描器或套取牙模為你的牙齒創造一套立體數影像,用於建立你的療程計劃2️⃣你的牙齒會了解你希望改善的方向及顧慮,會使用​隱適美專有軟件ClinCheck​,​度身打造 3D療程計劃​,你將可以檢視並了解牙齒在療程中每階段的移動和模擬最終位置,同時亦能預 測療程可能需要的時間長度3️⃣專屬訂製的牙箍生產後將運送至牙醫診所4️⃣牙醫將你專屬訂製的系列牙箍給你(​通常每次3-4副​),讓你每天佩戴20-22小時,並且​每1-2 週更換一副,我個case醫生就叫我10日就更換一副5️⃣​醫生會比四至六個牙箍我帶返屋企,跟住用曬就返去複診,每隔大約6-8週左右見一次醫生再取得下一系列嘅牙箍療程平均12-18個月,由隱適美牙醫為你度身打造並監控療程,不時推廣health talk,免費諮詢,或折扣優惠活動。而家仲係銅鑼灣開咗全亞洲首間體驗館,謝安琪仲係現任代言人添😍你哋想再了解更多可以親身去體驗館了解一下㗎我仲搵咗市面上兩間作比較:Zenyum就​無牙醫定期跟進,好少牙醫選擇,只係簡單case就okSmileLove仲誇張,無牙醫設計療程、跟進同檢查,佢地會寄客人一個印模套件,要自己係屋企製作牙齒模具,自己印完個模再寄返比SmileLove,跟住就就根據自己印嗰個模去寄牙箍自行箍牙,所以真係好冇保障,同效果都唔明顯😰官方網站 : ​https://www.invisalign.com.hk/zh/about-invisalignFacebook : ​https://www.facebook.com/HKInvisalign

  天生哨牙,門牙唔整齊。邊個女仔唔想自拍時候可以大笑開開心心!?           終於剛剛完成了我的隱適美Invisalign透明箍牙,雖然時間比我預期中要長好多,但效果幾好。 看到這養的效果,就覺得辛苦同付出都十分值得! 多謝陳澔賢醫生,多得佢經常隨時隨地比我煩住,walk me throughout all the way。 因為箍牙時候,會有阻濟同懷疑,多得醫生耐心解釋先可以一直進行。     不知不覺, 戴 隱適美 invisalign 牙箍 不知不覺已經一年幾, 都幾佩服自己,因為中途已經有幾次打算半途而廢XD! 老實講, 如果你打算箍牙,你真係要做好覺悟同準備。唔好以為戴住個箍好簡單。   你一日要戴22個鐘頭,一日三餐,早晚刷牙,一日起碼除箍戴箍5次! 如果2年,即係 365日*2*5 = 3650次! 你試下fing你隻手連續fing三千次....霖到已經想放棄。然後仲有呢?同男朋友唔可以去燭光晚餐啦,打邊爐無你份啦,平時又吃少好多零食啦! Buffet拿兩轉好啦!(講真用來減肥都幾好,我係變成飲水多左同食少左零食)。但無野可以阻礙到港女變靚既決心!       (只要一露齒笑見到兩隻齙牙,根本慘不忍睹😭!)           開始之前其實做左好多資料收集,比較其他唔同牌子zenyum,smiledirect club,trioclear 同invisalign,係到分享比大家:     Zenyum zenyum 費用大概13800左右啦! 你可以係佢哋官網到upload自己相,佢哋既sales(注意係sales,唔係醫生)會評估是否合適。見真正註冊牙醫只會係第一次做scan 和拍照的時候,其餘時間都係sales 同 zenyum員工同你follow up! 基本上唔好期望個牙醫對妳好有服務 或者 之後你有咩問題佢會幫你,因為全程佢只係收你$HKd1500 作為第一次consult 同 scan既費用。 有篇中國網友長文大家可以參考下:https://zhuanlan.zhihu.com/p/141178580   如果你排牙真係超級超級簡單,你自己亦都好有信心唔洗牙醫follow,而且budget真的有限。咁我覺得你可以考慮zenyum。 但基本上我想有個牙醫可以隨時隨地比我問問題,跟曬我全部牙齒,有事可以搵到醫生姑娘幫你跟進的話,我最後無選到zenyum     Smiledirect Club   Smiledirect Club 應該係最方便,你可以去屈臣氏做scan現場有sales直接回答你問題。smiledirect club係最平既自家製牙箍,因為佢真係完全bypass 醫生參與,連x光檢查都無。基本上你去親scan,sales 一定話你適合做。 以消費者角度我都完全唔建議採用lee個牌子! 身邊exactly 有兩個朋友親身例子。 一個箍過牙打算執小小再箍,sales話可以,但後來照x光發現牙根發炎牙腳萎縮,根本唔可以箍,再箍牙牙根縮短可能鬆出來。 另外一個朋友兩隻門牙有條牙縫,打算箍埋小小。用左smiledirectclub 之後兩隻門牙唔舒服,照x光先發現完全骨頭中間有隻好細小既多生齒。搞到最後牙肉發炎要開刀拿隻細門牙出來。     Trioclear透舒麗   trioclear有網站(https://www.trioclear.com.hk/zh/)。基本上營運模式同Invisalign 隱適美一樣,要去牙科醫生到全程scan 覆診等等。價錢亦都每個牙醫收費唔一樣。網上無咩人分享資料,所以我係無用到。     Invisalign隱適美   最龍頭透明牙箍牌子,相信應該是最貴。亦都唔洗我多多介紹。成名做左幾千個隱適美既牙醫網絡上面好多,例如趙創波,康齒堂等等。我選擇了陳澔賢醫生,係因為佢同其他隱適美KOL唔一樣,係全科牙醫。大部分隱適美KOL醫生都係淨係做隱適美,診所無其他治療服務。陳醫生診所有洗牙師,佢自己亦都會杜牙根脫智慧齒種牙手術等等,有事唔洗周圍搵醫生再問。 因為陳澔賢醫生trioclear 同 invisalign 收費分別唔大,所以我都係選擇了 隱適美!       ------------------------   預約左上齊仁牙科做consultation! X光收費1100,包括了OPG全景圖,lateral ceph 同埋 3D scan。     由於3D scan唔係平面,我就無辦法放上來比大家參考了! 分享張OPG 比大家睇睇。 3D scan 可以一次過睇埋智慧齒,因為我下顎智慧齒生得超級入,而且貼近神經線。醫生就建議唔洗脫下顎智慧齒照箍牙。至於上顎智慧齒應該可以生得出,可以等箍牙期間智慧齒生出來再脫左佢! 而且X光睇到牙縫同牙縫中間已經開始有隱性蛀牙,要補牙先箍得,箍牙期間都要密切注意有無新蛀牙出現!另外右上第一大牙都係崩左一大忽,本身打算做個牙套。陳醫生就話千萬要等佢箍完牙,先整個牙套,否則隱適美既 “attachment”就黏唔上去。 而且到時候做完牙套再一次過整固定器。   一套consultation做完落來,你就會明白,有一個專業牙科醫生照顧你排牙,同使用自家製牙箍品牌唔一樣。俾錢就係買services。 如果你捨得洗錢來照顧自己排牙,就唔好省住省住啦。       當日consultation 完左之後,陳醫生如上面講咁解釋得好清晰,基本上解釋你所有疑慮同問題,佢好專業而且幾幽默好笑,其實我都係下定決心做。 我個case報價46k唔算平。佢地診所無任何介紹人,一次過付款優惠plan。 唯獨係你如果立刻決定俾deposit,就wave左x光。我好後悔無立刻決定,但deposite都係講緊$4000HKD😂。 陳醫生著我返去霖清楚,完全無hardsell! 我又小女子心態左度右度,真係走左,之後再回頭就無得扣返了! (大佬,你當時sell下我,我就省到$1100😂)                     近口既相片大家見到門牙係搭埋一起! 陳澔賢醫生幫我做了scan 和好有心機出了幾個clincheck,第二次返去時候就係睇clincheck了! 咁我門牙如果搭住,又唔脫牙,點樣來拿位排齊門牙呢?           2.       3.       4.       答案就係靠磨牙(IPR-Interpoximal reduction)了! 坊間自家透明箍牙,排齊門牙既時候,其實係靠將門牙向外達到排齊既目的。正面睇係整齊,但其實側面睇就會"哨牙"。一定要靠磨牙 或者 脫牙先可以將牙齒收返入去。所以如果唔係有牙醫跟進,請問點樣可以磨牙呢?唔通自己慢慢用砂紙挫咩?     我最終磨左上顎門牙8隻!陳醫生手勢好好,磨得好精準。磨完會度下究竟多左定小左,務求岩岩好。磨太多其實我都驚驚敏感。好彩so far無咩感覺,一切如常! 感恩!                     比大家睇睇最後後果圖! 門牙排齊曬,亦都無變成哨牙。 我最終用了72 (42+16+14)個牙箍 .....一次正式+2次refinement! 唔好拿我做參考,因為中途第一次refinement我基本無咩點戴。       最終效果圖!!!登登             總結一下, 我既療程係46000HKD, 包括覆診,中途scan不令收費(例如zenyum每次scan 雖然話牙箍免費,但都要比1500HKD 個牙醫),包埋醫生中途wtsapp監測 最後都會送一幅固定器(zennyum都係另外收錢。) 其實加加埋埋係咪真係好好好好好遠,就每個人來自己來衡量了!     有關陳澔賢牙醫: 陳醫生是全科牙醫,並唔係專做隱適美牙箍淨係比牙箍無跟進果種! 佢診所好大間但全部都係私人診所唔係集團式,一定係牙醫本身好有實力先可以靠佢一個人咁有規模。 真係再值得值得講就係佢會自己親自解釋風險,好長氣! 我戴牙箍都有試過甩attachment 同刮損牙肉,佢會親自覆你wtsapp。你立刻安心好多。中途見到有蛀牙洗牙佢都會幫你安排到,唔洗走來走去! 而且診所係荃灣交通十分就腳! 推薦牙醫 基本上我每2-3個月就會覆診一次,就算手上牙箍未戴完,都會返診所望下排牙有無突發性既問題。陳醫生一下子會比好多牙箍我,唔會話hold住D箍等你來俾錢。   今次隱形牙箍箍牙之旅其實我自己效果都好滿意。現代科技真係幫左我地愛美的女性,避免左傳統鋼線既醜樣!各位如果心思思想箍牙,做好資料收集,記得比100%耐性來對待自己排靚牙了!     #透明牙箍 #透明箍牙 #牙套 #隱適美 #invisalign #隱適美invisalign #箍牙 #矯齒 #牙齒美容 #trioclear #zenyum #smiledirectclub #wondersmile

牙齒是我們身體重要器官,有非常重要的作用。當我們知道,原來一直到老到死都會留在我們身邊的是我們的牙齒時,就要好好保護自己的牙齒。 但想保護,也有很多方法,有時即使勤刷牙,也未必可以把牙齒好好保全。很多人常因生理性原因或患口腔疾病,造成部分牙齒或全口牙齒缺失。 作為blogger & model,小M我更明白健齒的重要。而擁有整齊牙齒一定是健齒的第一步。 也因為貪靚,所以小M我一早鎖定使用隱形牙箍,眼見市面上最近有很多隱形牙箍,朋友也介紹了很多,但見到他們的經歷,真的令我卻步......為何? 原來坊間有很多同類的隱形牙箍品牌,除了沒有獨立由醫生處方,還沒有人跟進療程~~我真的好怕!我有一位朋友做過牙模,過程中不但有度身打造牙模,而且也沒有因應她的情況而為整個過程進行跟進。最後竟然要朋友多花金錢,又說要補牙又說要脫牙~~~~OMG! 如果想做隱形牙箍,可以怎麼辦? 直到我了解隱適美! 隱適美是No.1 最多朋友推薦隱形牙箍品牌,隱適美隱形牙箍擁有超過880項專利,更獲美國FDA批准,經臨床實證能矯正廣泛個案,並為牙醫所推崇。隱適美矯齒隱形牙箍完全是可以幫到我和一眾美魔女~~ 隱適美牙醫會了解你希望改善的方向及顧慮,並利用口腔掃描器或套取牙模為你的牙齒創造一套立體數影像,用於建立合適的療程計劃!之後,牙醫會預測療程情況,讓你可以檢視並了解牙齒在療程中每階段的移動和模擬最終位置,同時亦能預測療程可能需要的時間長度。 雖然隱適美所有牙箍都一次過製造好,但牙醫只會分階段俾牙箍,原因係牙醫定期的監測非常重要,因為每個人的身體反應狀況都可以很不同,一定要臨床檢查,確保有足夠空間之餘,移動亦有效安全。 其間不似別的同類品牌,會突然要求客人加錢轉其他牙箍。 而且每隔大約6-8週便需要讓隱適美牙醫覆診檢查 ,監控你的療程進度,並取得下一系列的牙箍! 很多時外間的同類品牌也沒有覆診這一步,這樣不能完全知道自己的情況~ So Sad! 再者,坊間有很多都是由Sales顧問解答客人問題,坦白說其實答不到。直到真的前往找牙醫,牙醫可答到你關於牙齒上的問題,但上去就先要付$1500,這方面隱適美實在優勢很多! 我有朋友,牙齒之後出了問題,返去檢查真是千千聲的付.......好肉痛! 隱適美擁有多項專利和外國認證,有近千名合作牙醫,而且會為客人安排定期覆診並由牙醫監控療程,價格雖高但專業可靠!牙齒是陪伴自己一世的好朋友,所以要靚之餘,還要選擇可靠和有效的矯齒隱形牙箍品牌!       Reference: 官方網站 : https://www.invisalign.com.hk/zh/about-invisalign Facebook : https://www.facebook.com/HKInvisalign       ___________________________________________________       FB: https://www.facebook.com/blogger.l.ming/ blog: http://mingproduce.blogspot.hk/ IG: www.instagram.com/ming.pa/ Girls女生日常: https://pretty.presslogic.com/author/ming-pa UBlog:https://blog.ulifestyle.com.hk/blogger/mingproduce/ Openrice ~ Ming L. (Level 4) Tripadvisor ~ MingL825 (Level 5) 大眾點評 ~ MingL (Level 3)                 #880項專利科研 #美國FDA批准 #隱適美 #謝安琪都選用 #Invisalign #No1隱形牙箍 #9成以上用家滿意 #真正性價比

一個美麗的露齒笑容吸引人的視線,但我的牙齒天生不整齊,從少欠缺自信,不喜歡露齒而笑,擁有美觀又整齊的牙齒是我的夢想,怕痛怕吃不到美食,怕鐵線牙箍好礙眼,不是每個人都可以接受,因此令我卻步。       Invisalign HK隱適美矯齒隱形牙箍在香港及澳門有近千位的合作牙醫,隱適美由醫生操作,每個細節都好專業,每一個隱適美療程、每一副牙箍都係獨立由牙醫處方及監測。要開始療程,首先需要拍多角度照片及X-Ray,因為要牙醫多方面考慮輪廓、咀形、牙齒情況、牙腳、牙床等。       我去了銅鑼灣新開的隱適美體驗館,職員展示牙箍物料俾我睇,真係薄得嚟柔韌,彈性好高。職員解釋呢個物料係隱適美研究左260隻物料兼開發8年,就係martTrack,仔細看可以見到一層層複合層。原來每一副牙箍係會不斷改變裡面的複合層,和牙齒或額外黏在牙齒上的附件粒粒 (功能像手柄一樣) 產生持續和輕柔的力,準確地推動牙齒移動。所以物料的彈性非常重要。相反,我在網上看到SmileLove同 Zenyum的牙箍,的確冇複合層,好似一層厚嘅包書膠,而且牙肉邊唔跟牙形,一條直線可能界牙肉。       一個有經驗的牙醫可以了解你的牙齒可以移動幾多、幫你計劃精準的移動、最快捷同安全的移動路線等。原來隱適美療程模擬計劃,仲可以有多過一種方法去預計,比如我唔想剝牙,又想改善小突出的嘴部,可以擴大牙弓,或者磨牙縫等。原來我可以同牙醫傾點揀,甚至乎想移前面D牙先,只要夠位就得。隱適美的牙醫跟進得密,有得睇、有得傾,真係好安心。反而SmileLove只係完成一個指示,就跟住下一個指示做。過程效果冇得揀,過程想傾吓都唔知搵邊個。Zenyum雖然有牙醫攞模,但牙醫一D都冇解釋個療程,話問Zenyum,感覺唔專業。       看見很多朋友整理不整齊的牙齒,她們都選用隱形牙箍都是隱適美,調整後都變得很漂亮,我便到隱適美官網了解更多,全球瞬速超愈680萬用家,No.1 最多朋友推薦隱形牙箍品牌,76%用家受訪者更已推薦1個或以上朋友/親戚使用隱適美。隱適美的隱形牙箍擁有超過880項專利 ,更獲美國FDA批准,專業可靠 - 經臨床實證能矯正廣泛個案,並為牙醫所推崇。       Invisalign HK隱適美矯齒隱形牙箍在療程開始前提供專業的諮詢,療程平均12-18個月,由隱適美牙醫為你度身打造並監控療程。     Invisalign HK 隱適美矯齒隱形牙箍 Website ︰​https://www.invisalign.com.hk/zh/about-invisalign Facebook︰https://www.facebook.com/HKInvisalign     銅鑼灣開咗全亞洲首間體驗館,由謝安琪擔任代言人。   免費諮詢,推廣health talk,或折扣優惠活動。  

不知不覺已經箍咗一年有多啦,係到再同大家分享下其實我成個箍牙過程都無話好痛,痛到食唔到嘢之類最多係換箍頭1-2日痛,但好快適應嚕 上圖係未開始下圖係第8個月,經歷緊咬合期,所以排牙合唔埋原本成set我有30個箍,但到第29個嘅時候門牙隔離嗰隻都仲係未完全齊哂所以醫生決定幫我重印而家印多咗16set 呢張係已經箍緊第16個月😊仲有14個箍😊P.s. 我嘅case係唔洗剝牙,箍咗3萬尾因為我有referral都係朋友介紹關係所以consultation都係free的(如果唔係診金都要幾百)大家心郁郁想箍牙嘅都快啲行動啦見住自己排牙愈嚟愈齊真係好開心

最近心思思想箍牙, 於是呢一個月黎就搵左幾位比較有名氣既牙醫做consult,由於覺得自己問題唔嚴重(幾位醫生都話我唔洗剝牙), 所以無打算搵專科,因為專科醫生比普通科貴好多.第一個consult係長沙灣趙x波, 報價$48000, 咁多個之中最貴,而且佢係每3個月先覆一次診, 係我consult幾位醫生之中最耐,我準時到達, 不過等到我變左化石, 等左個幾鐘,如果每次覆診都要等咁耐真係唔掂, 所以一定唔揀.其實有朋友好多年前係佢度箍, 佢已經警告過我會等到痴線,不過諗住反正consult唔洗錢就去聽多個意見.第二個係林x怡, 報價$42000, 價錢合理好多, 而且唔算等好耐,不過林醫生有講到明個case唔會全程都係佢跟,唔係全程佢跟都唔緊要啦, 不過最重要係唔會係固定醫生,即係可能次次都唔同醫生, 而且感覺佢好似有少少hea,所以都唔係太岩心水.第三個係Dr Nicholas, 係之前睇到香討呢度個jm長篇分享所以去,曾醫生報價$38000, 我去到等左5分鐘就入左房見醫生,佢好溫柔, 講解都好詳細, 仲比左同我情況差唔多既相比我睇,感覺呢個醫生唔錯.第四個係游x華, 報價咁多個之中最平$32000, 有介紹人減$3000,即係最平$29000就有得做, 不過就講明唔係游醫生做而係指派其他固定醫生,如果想搵返游醫生既話, 就要加多$7000, 即係$37000, 但唔包固定器,而套固定器其實都要幾千蚊一套, 而且之前睇左jm既分享, 都好認同搵主要個位醫生去做療程既重要性,游醫生都唔算要等太耐, 不過指派既醫生就唔知, 當日無即時落決定.其實原本仲有諗過去consult中環羅x道, 感覺佢都幾多人搵佢做,而且我follow開既blogger龍x媽媽早排力推.  不過上網做左好多research,又係隱適美既官方facebook度爬文, 睇到唔止一個網友留comment話比佢箍衰左,所以即時放棄左念頭.返去考慮過各種因素之後, 都係比Dr Nicholas既溫柔吸引到(講笑),價錢都係考慮之一, 報價$38000, 不過有jm做介紹人即減$2000,另外依家有coupon攞又減$1000, 二人同行再每人有得減$2000,我係第2個forum好快已經搵到人同我夾, 即係減左$5000, $33000就做到.完成2項任務之後仲送一次洗牙, 琴日我已經比左$8000印左模啦!  期待1個月後睇clincheck!希望我呢篇分享可以幫到各位想箍隱適美既朋友仔,不過既然醫生做consult係免費既, 建議大家有時間既話做多幾個慢慢揀,雖然話早箍早享受, 但都唔急在個一時, 揀醫生最緊要岩feel.

四種不同妝容,四款美瞳輕鬆hold住妝容~.~這四款都是最近的新款,一上新就想馬上分享比大家啦,勁愛超喜歡的,自拍有無顯得眼睛水汪汪既感覺呢?關鍵不只係日常所用,還特別好親到妝容,KOL必備款!!好睇既眼妝真係需要一款合適的美瞳搭配先會顯得更完美~岩吾岩呢~~!!

🎀covermark 這個粉底液真的推薦推薦推薦,因為其實我再6.7月份的時候因為壓力太大內分泌失調導致我長了滿臉閉口和閉口痘痘,那段日子真的怎一個苦字了得😔和朋友出去他們一個個都大濃妝而我一個人素顏,導致那段時間我連街都不願意逛就待在家裡,後來恢復後用了這個粉底液,真的有保護皮膚的作用,並且也不那麼容易長痘了我選的事Yo00黃色最白的這個色號,我覺得這個色只要你不是真的特別黑應該都hold得住,而且我是個吃妝很厲害的人,但是用了這個粉底液加上一層散粉幾乎不脫妝不暈妝,非常棒,再沒找到其他好的粉底液之前會回購到天崩地裂😄🎀mac最近推出的一系列吃土色的口紅都好喜歡啊啊啊啊啊啊啊啊啊啊啊啊,一開始很糾結很糾結究竟是要taupe還是mocha最後還是要了mocha,相對其他的吃土色來說,mocha更自然也更日常,滋潤度也還好並沒有rubywoo那樣幹🎀眼影我用的事愛麗小屋的四色眼影橘色系列和kate,Kate這款眼影也是我萬年推薦,幾乎我所有的眼妝都用到kate的眼影打底然後疊加,因為冬天想要溫暖一點,所以我就在kate的基礎上用愛麗小屋加了橘色的眼影,最後出來的效果也很不錯🎀散粉我用的事羅拉那款,散粉我會偏向啞光的,因為其實我很多腮紅都有高光成分在都會blingbling的,所以散粉我就更傾向於用啞光的來遮毛孔,羅拉散粉還是不錯的,唯一缺點就是盒子容易壞然後太多了感覺要用到天荒地老🎀101修容棒,這個修容棒怎麼說呢,不會再回購,相對於粉來說不容易摸開摸均勻,不適合日常,但是拍照需要大濃妝的時候還是可以的🎀美寶蓮藍胖子,這個睫毛膏是我最近的新寵,之前用的kissme,感覺不夠濃密,這個比較能滿足我自己的需求吧,不過好像這個也有分纖長和濃密的,大家可以照自己需求選擇,還有一點就是不易暈妝又好卸,之前逛line的時候感覺睫毛膏很可愛忍不住剁手,然而一到7.8點眼妝總是暈到慘不忍睹🎀曬紅我用的是canmark,砍妹家的花瓣腮紅真的還不錯啊,性價比很高,我用的是01號偏橘色比較日常,初學者可以買來玩玩,屬於怎麼塗都不會出錯系列🎀眼線用的是the seam棕色眼線膏帶閃,比起普通的黑色眼線,棕色眼線會更溫柔更容易打造冬季溫暖的感覺哈哈哈,不過這個眼線膏比較適合冬天,一天下來不會怎麼暈染大體上是不暈的,但是一到夏天你會發現這煙熏妝簡直無懈可擊,這個眼線膏很便宜啦,朋友回來拍畢業照的時候我讓他從韓國給我帶了5瓶才100出頭

認識我嘅朋友都知道我有食開營養補充品既習慣,最近發現有款以「素燕窩」之稱既雪耳美顏飲,細細包放入手袋 隨時隨地都可以拎出街當果汁飲🍹🌟養顏雪耳飲有美肌三大特色🌟💓 嚴選台灣100%天然在地雪耳,高活性萃取有助皮膚澎彈飽滿回復青春。💓專利米糠大豆發酵物來自日本發酵大廠,讓肌膚變得細緻柔嫩。💓來自歐洲貴族養顏聖品 #野櫻莓酵素 以無糖發酵技術,將營養完整釋放,令面色紅潤延緩衰老。容易入口的酸甜莓果味🍒特別推薦俾素食主義、懷孕/哺乳媽媽、想補充膠原同想要養顏美容嘅人🙆🏻‍♀️每包只有15大卡好飲唔怕肥,每日一包,素顏都可以美艷動人喇❣️BHK's #雪耳青春飲🌼  https://bhks.cc/H063BK1.html #BHKs雪耳青春飲 #植物燕窩 #膠原蛋白 #素食者美顏飲 #美肌分享

不知道是不是有很多女生跟我一樣都是手殘女,塗指甲永遠塗不好,所以我已經很久沒有自己DIY美甲。最近我出席了ROSY RAIN X BLOOP的一個發佈會,讓我重新認識DIY美甲,原來不一定要出去GEL甲也可以擁有美美的指甲,實在太令人振奮了。 當天的活動佈置得很漂亮喔,而且有很多美食,還有不同BLOOP美甲系列的產品。 發佈會當天還教了我們很多美甲的技巧。簡易美甲套裝如有美甲貼,4色印章凝膠指甲油套裝,這些對於新手來說也較容易掌握。 我回到家裡就急不及待立刻試一下嚕,BLOOP的甲油非常實色,而且不難塗,塗兩層就有GEL甲的效果,而且內附美甲的印花圖案鐵板,即使你不懂畫花,也可以透過蓋章的方式為指甲印上圖案,非常易用。 除了指甲油套裝,當然也少不了美甲貼,這款更容易用,只要用前用洗甲水洗一下指甲,然後貼上適合自己甲形的指甲貼,再用指甲挫挫走多餘的甲貼就可以完成美甲了,是不是很簡單呢。 大家不想要的時候只要把它撕掉就可以了,真的很方便!相信大家一定弄得比我漂亮吧...我也很滿意自己手殘的表現....不完美,但可以接受~哈哈~ 大家有興趣的話不妨到以下網址看一下吧~裡面還有很多美甲貼的款式喔! https://www.rosy-rain.com/brand/bloop ?wpam_id=11  

選擇隱形眼鏡時有很多細節需要留意,當中隱形眼鏡的含水量是很重要的!隱形眼鏡的水膠材質含水量介於30%~58%之間,含水量越高越透氧,一般透氧率(Dk/t)介於8~35,但國際標準也標明水膠透氧率至少需要24。含水量過高也會有缺點,如鏡片柔軟脆弱、易有沈積物、容易受環境酸鹼值的破壞。高含水的鏡片內水分容易蒸發或流失,反而需要從淚液中補充水分,造成舒適度降低及乾眼問題。隨著技術的創新,高含水的鏡片需要添加各類保濕因子或保濕科技來鎖水,使用上較不會造成眼乾。

    • 支付方式
    • 為提供更方便快捷的客戶服務

    © 2019 BEAUBEE Creative Agency @ Love Beauty Limited