BeauBee
BeauBee
佢嘅賣點係會發熱，好似焗桑拿咁，令毛孔擴張，而入面嘅獨特成份——沸石(Zoelite)成分——會將皮膚底層嘅油脂、化妝品殘留物、重金屬等污垢吸走。敷2、3分鐘就夠，好方便。
小妹會視乎皮膚狀況，隔2至4日用一次。如果嗰排日日長時間出街或者需要化妝，就敷密啲；如果谷暗瘡，就厚敷喺嗰個位。30ml面膜咁用法，都夠用2個月，性價比唔錯。
佢質地好得意，唔係cream，又唔係泥，似磨砂膏，入面有啲一粒粒，但其實唔係磨砂粒子，而係死海海鹽，之後會溶哂。掂落手指嗰下，已經開始有微溫。
小妹喜歡喺沖涼嘅時候敷深層清潔面膜，因為浴室內嘅蒸氣會令毛孔擴張，從而排走毒素。沖涼前搽上面，差唔多沖完就洗得。
由於面膜含有豐富礦物質，亞洲肌膚未必適應，使用初期可能會有啲唔舒服。小妹第一次用feel到痕痕地，用多幾次就正常返。如果嗰排皮膚狀態差，有傷口嘅位置都會有畀嘢吉嘅感覺。
面膜入面仲有大量礦物油，摸落去滑潺潺，有滋潤功效，敷完唔會好乾或者掹掹緊。不過，敷完啲熱嘅嘢喺面，皮膚難免會泛紅，極度建議各位即刻敷完個保濕mask舒緩下。
睇返3個月前影嘅暗瘡相，再對比下而家，原來皮膚改善咗咁多，好滾動T_T，相信呢個mask嘅功勞唔細。
最新美容日記
THE LATEST BEAUTY DIARY
Annielittlecake ? 
OmerRiley 
Kay❤ 
