{/block}

中女箍牙!隱形牙箍隱適美invisalign箍倒及牙-陳澔賢醫生

  中女箍牙日記!透明牙箍隱適美invisalign箍倒及牙?高難度case 感謝陳澔賢牙科醫生         I had a dream…唔係想要獨立自由世界和平,而係只想排牙笑起身好睇小小。我今年41歲啦,是一名超級普通既office 女士。因為疫情關係,日日WFH。十分得閒去記錄自己排牙既變化。今次箍牙算係我人生少數好值得紀念變靚左既歷程。所以我要以一篇文來記錄!   一早一早已經放棄左我自己排牙。點解? 見下圖:細個食四環素,所以牙超級黃。倒計牙,而且兩隻小門牙都係K K地形。以前睇過D大陸牙醫,話不如剝曬佢整假牙算。當年青春大個曾經想整瓷片,倒及牙又唔整得。箍牙醫生講到好恐怖。所以從來都唔敢笑。               因為全家人都係陳澔賢醫生診所睇牙,某次定期洗牙檢查講起想箍牙既心願。陳醫生講左一句“其實箍到啊。....”但醫生說最多可以幫我解決倒及,變成正常牙齒排列,改善笑容。如果做到我已經相當滿足。並且可以使用透明牙箍來做。霖左兩日決定做!因為? 因為我真係好想好想好睇小小?小小都好。有邊個女人唔貪靚?可以唔靚,但起碼唔洗好似毫無自信咁樣。         直接比大家睇下我最後結果個樣再講:   我真係超級超級開心! 因為好多醫生話箍唔到,有d甚至話做手術,又話要鋼線。陳醫生超高技術幫我用隱適美就箍到。         唔同角度變化好大! 另外睇得出我側小門牙(lateral incisors)做了陶瓷貼面,都可以以假亂真。醫生講,正常咬合,排整齊曬d牙,雖然唔可以話係完美笑容,但起碼你現在笑起身,都已經係一個正常牙齒。我已經非常心滿意足。       Total 係 57 +25 = 82個牙箍,每個箍10日,總共820日!過程中,每日都要維持用橡筋。陳醫生好嚴格,唔戴箍唔戴橡皮筋佢真係會話你。而且佢好有心,你feel到佢目的就係幫你箍好排牙,而唔係淨係霖住賺錢。診所橡筋無限供給。所有牙箍一早比曬你(even未比曬錢)。因為醫生話唔想keep住d牙箍,就算遲左覆診都可以繼續換,唔好浪費時間。坊間好多診所係俾錢先會比下一批箍你。中途牙痛,箍爛左唔知點算,wtsapp 醫生係會 親自回覆! 所以求診既人好多,唔淨係箍牙....咩介紹人program都無,好醫生自然多人睇。           Step 1:箍牙之前要洗牙,補牙,影X光,做itero scan; Step 2:返診所睇clincheck, 定最後治療計畫和時間 Step 3:正式開始箍牙     第一次戴箍十分酸軟! 頭兩日都唔係幾想食野。建議大家真係有需要,係可以吃panadol來止痛的。去到中後期,換新箍都係唔舒服,但就習慣左可以正常進食。   基本上每3個月就會返診所複診一次見醫生。 箍牙期間每日最好戴足22個鐘。我未左戴足時間,變成一日淨係食兩餐。晚餐食完就清潔牙齒就立刻戴牙箍到訓教,減少除箍時間。 戴牙套需要經常咬chewie,發現chewie都爛得幾快。後面我發現其實可以咬木筷子 或者 牙刷柄來代替? 大家可以省返一筆。 中途試過其中一set 牙箍特別唔貼合, 係廠家出左質量問題,問醫生話可以直接跳去下一set 牙箍。   至於食飯方面,箍隱適美就十分方面,除左牙箍就可以進食。開頭我都會帶牙刷出門,但堅持唔到3個日就放棄左,因為實在太麻煩。   戴橡皮筋方面,橡筋勾落牙箍搞到牙箍反起,成日刮到我嘴唇。後面我都已經接受生飛滋的現實。       Step 4: 最後準備拆箍之前,陳醫生會同我confirm仲有無野想改。有野改就加牙箍。我refinement 就係有d牙縫攝食物,醫生就幫我加箍改正。注意同你箍牙既醫生確認refinement 是否要額外收費,每間診所收費唔同。 我戴完refinement之後無野想改就開始整美白牙貼!   step 5: 開始戴固定器!我選擇左隱適美原廠 vivera固定器。價錢比較貴,一次過買三set 可以用2~3年都唔洗擔心。建議大家千祈唔好淨係得一pair 固定器,要有一對後備固定器係到。否則當你戴緊既固定器壞左,你再去整固定器,中間的真空期就會令妳牙齒走位,白白浪費你箍牙的心血。             分享埋我既效果圖比大家就可以更加理解過程,想分享一下選擇牙箍牌子同醫生的心得:     箍牙之前,陳醫生有幫我影傳統2D xray ,另外會影埋3D Xray(好重要,即CBCT)。因為我門牙會向外推出,要確保向外推時候牙根仲要係黏住牙骨。否則會有敏感同牙鬆既問題。 所以基本上箍牙選自助式牙箍,或者無醫生參與既牌子真係好危險。因為箍牙公司佢哋最主要係可以賣到牙箍。佢地定位係廉價治療,所以你效果唔好就建議你睇返醫生佢地又幫唔到你。 最慘都唔係驚你無效果,最慘係驚你有反效果。 除了上門牙向外推,我的下門牙亦都需要磨牙攞位再向後收入來。醫生所以要比橡筋我日日帶。帶橡筋會另外療程加快,但係同時會走位(off track 即係牙唔貼個箍)既風險都加快,所以定期要醫生來check住。 我見陳醫生都幫設計左10個模擬動畫。佢解釋係箍牙公司負責set 模擬動畫既係technician 而唔係醫生   其實醫生比箍牙公司更加熟悉個牙箍如何箍牙。唔係個電腦模擬話箍倒,你帶曬d牙箍就會一模一樣。最後都係要靠醫生去判斷。唉,所以話,我地平民百姓都係慘.....儲埋d錢都係比醫生。話雖如此,一定唔好省錢,要搵全程由醫生 檢查,設計,執行箍牙到製作固定器既透明牙箍牌子。   “所有” 透明牙箍公司設計動畫既 都不是 牙科醫生,而是公司內部訓練的 技術人員。點解? 因為牙箍公司每日接收成千上萬個動畫要求,點可能有咁多牙科醫生可以係到逐個設計動畫? 而這些技術人員,並無真係受過牙科訓練。傳統透明牙箍大牌子(隱適美/clearcorrect/spark/trioclear) 都係將設計牙齒移動交比醫生負責,由醫生設計步驟。 所以選擇有經驗的牙科醫生相當重要! 亦正因為如此,現時流行的自助牙箍,如果無醫生監督會有潛在風險。   選擇一個友善既牙醫好重要!!! 因為箍牙其實係個人美容療程的一種,而且每一個人心入面想要的東西並唔一樣。千萬不要找那種感覺很不友善的醫生,很可能自己會不敢有太多意見、或是不好意思提出問題,而將就於他出的方案。到時候自己會很後悔。幸好我的醫生十分願意溝通,並且解釋。         最後我的箍牙療程結論係:   箍牙真係一個好考耐性同毅力的遊戲。我依然好驚奇我倒及既case都可以箍到正常。相比起要做手術或者用鋼箍既case,我真係好好彩。好後悔無早一點箍牙。最後多謝陳澔賢牙醫既技術,我先可以再一次重新正常笑出來!           #箍牙 #隱形箍牙 #透明牙箍 #隱適美 #invisalign #zenyum #自助箍牙 #smiledirectclub #傳統箍牙 #學生箍牙 #箍牙牙醫 #牙醫 #隱適美牙醫 #牙科醫生 #推薦牙醫 #鋼線箍牙 #智慧齒 #倒及牙  

lui connie

透明牙箍點選好? 隱適美 完成心得分享 (齊仁陳澔賢牙科醫生)

  天生哨牙,門牙唔整齊。邊個女仔唔想自拍時候可以大笑開開心心!?           終於剛剛完成了我的隱適美Invisalign透明箍牙,雖然時間比我預期中要長好多,但效果幾好。 看到這養的效果,就覺得辛苦同付出都十分值得! 多謝陳澔賢醫生,多得佢經常隨時隨地比我煩住,walk me throughout all the way。 因為箍牙時候,會有阻濟同懷疑,多得醫生耐心解釋先可以一直進行。     不知不覺, 戴 隱適美 invisalign 牙箍 不知不覺已經一年幾, 都幾佩服自己,因為中途已經有幾次打算半途而廢XD! 老實講, 如果你打算箍牙,你真係要做好覺悟同準備。唔好以為戴住個箍好簡單。   你一日要戴22個鐘頭,一日三餐,早晚刷牙,一日起碼除箍戴箍5次! 如果2年,即係 365日*2*5 = 3650次! 你試下fing你隻手連續fing三千次....霖到已經想放棄。然後仲有呢?同男朋友唔可以去燭光晚餐啦,打邊爐無你份啦,平時又吃少好多零食啦! Buffet拿兩轉好啦!(講真用來減肥都幾好,我係變成飲水多左同食少左零食)。但無野可以阻礙到港女變靚既決心!       (只要一露齒笑見到兩隻齙牙,根本慘不忍睹?!)           開始之前其實做左好多資料收集,比較其他唔同牌子zenyum,smiledirect club,trioclear 同invisalign,係到分享比大家:     Zenyum zenyum 費用大概13800左右啦! 你可以係佢哋官網到upload自己相,佢哋既sales(注意係sales,唔係醫生)會評估是否合適。見真正註冊牙醫只會係第一次做scan 和拍照的時候,其餘時間都係sales 同 zenyum員工同你follow up! 基本上唔好期望個牙醫對妳好有服務 或者 之後你有咩問題佢會幫你,因為全程佢只係收你$HKd1500 作為第一次consult 同 scan既費用。 有篇中國網友長文大家可以參考下:https://zhuanlan.zhihu.com/p/141178580   如果你排牙真係超級超級簡單,你自己亦都好有信心唔洗牙醫follow,而且budget真的有限。咁我覺得你可以考慮zenyum。 但基本上我想有個牙醫可以隨時隨地比我問問題,跟曬我全部牙齒,有事可以搵到醫生姑娘幫你跟進的話,我最後無選到zenyum     Smiledirect Club   Smiledirect Club 應該係最方便,你可以去屈臣氏做scan現場有sales直接回答你問題。smiledirect club係最平既自家製牙箍,因為佢真係完全bypass 醫生參與,連x光檢查都無。基本上你去親scan,sales 一定話你適合做。 以消費者角度我都完全唔建議採用lee個牌子! 身邊exactly 有兩個朋友親身例子。 一個箍過牙打算執小小再箍,sales話可以,但後來照x光發現牙根發炎牙腳萎縮,根本唔可以箍,再箍牙牙根縮短可能鬆出來。 另外一個朋友兩隻門牙有條牙縫,打算箍埋小小。用左smiledirectclub 之後兩隻門牙唔舒服,照x光先發現完全骨頭中間有隻好細小既多生齒。搞到最後牙肉發炎要開刀拿隻細門牙出來。     Trioclear透舒麗   trioclear有網站(https://www.trioclear.com.hk/zh/)。基本上營運模式同Invisalign 隱適美一樣,要去牙科醫生到全程scan 覆診等等。價錢亦都每個牙醫收費唔一樣。網上無咩人分享資料,所以我係無用到。     Invisalign隱適美   最龍頭透明牙箍牌子,相信應該是最貴。亦都唔洗我多多介紹。成名做左幾千個隱適美既牙醫網絡上面好多,例如趙創波,康齒堂等等。我選擇了陳澔賢醫生,係因為佢同其他隱適美KOL唔一樣,係全科牙醫。大部分隱適美KOL醫生都係淨係做隱適美,診所無其他治療服務。陳醫生診所有洗牙師,佢自己亦都會杜牙根脫智慧齒種牙手術等等,有事唔洗周圍搵醫生再問。 因為陳澔賢醫生trioclear 同 invisalign 收費分別唔大,所以我都係選擇了 隱適美!       ------------------------   預約左上齊仁牙科做consultation! X光收費1100,包括了OPG全景圖,lateral ceph 同埋 3D scan。     由於3D scan唔係平面,我就無辦法放上來比大家參考了! 分享張OPG 比大家睇睇。 3D scan 可以一次過睇埋智慧齒,因為我下顎智慧齒生得超級入,而且貼近神經線。醫生就建議唔洗脫下顎智慧齒照箍牙。至於上顎智慧齒應該可以生得出,可以等箍牙期間智慧齒生出來再脫左佢! 而且X光睇到牙縫同牙縫中間已經開始有隱性蛀牙,要補牙先箍得,箍牙期間都要密切注意有無新蛀牙出現!另外右上第一大牙都係崩左一大忽,本身打算做個牙套。陳醫生就話千萬要等佢箍完牙,先整個牙套,否則隱適美既 “attachment”就黏唔上去。 而且到時候做完牙套再一次過整固定器。   一套consultation做完落來,你就會明白,有一個專業牙科醫生照顧你排牙,同使用自家製牙箍品牌唔一樣。俾錢就係買services。 如果你捨得洗錢來照顧自己排牙,就唔好省住省住啦。       當日consultation 完左之後,陳醫生如上面講咁解釋得好清晰,基本上解釋你所有疑慮同問題,佢好專業而且幾幽默好笑,其實我都係下定決心做。 我個case報價46k唔算平。佢地診所無任何介紹人,一次過付款優惠plan。 唯獨係你如果立刻決定俾deposit,就wave左x光。我好後悔無立刻決定,但deposite都係講緊$4000HKD?。 陳醫生著我返去霖清楚,完全無hardsell! 我又小女子心態左度右度,真係走左,之後再回頭就無得扣返了! (大佬,你當時sell下我,我就省到$1100?)                     近口既相片大家見到門牙係搭埋一起! 陳澔賢醫生幫我做了scan 和好有心機出了幾個clincheck,第二次返去時候就係睇clincheck了! 咁我門牙如果搭住,又唔脫牙,點樣來拿位排齊門牙呢?           2.       3.       4.       答案就係靠磨牙(IPR-Interpoximal reduction)了! 坊間自家透明箍牙,排齊門牙既時候,其實係靠將門牙向外達到排齊既目的。正面睇係整齊,但其實側面睇就會"哨牙"。一定要靠磨牙 或者 脫牙先可以將牙齒收返入去。所以如果唔係有牙醫跟進,請問點樣可以磨牙呢?唔通自己慢慢用砂紙挫咩?     我最終磨左上顎門牙8隻!陳醫生手勢好好,磨得好精準。磨完會度下究竟多左定小左,務求岩岩好。磨太多其實我都驚驚敏感。好彩so far無咩感覺,一切如常! 感恩!                     比大家睇睇最後後果圖! 門牙排齊曬,亦都無變成哨牙。 我最終用了72 (42+16+14)個牙箍 .....一次正式+2次refinement! 唔好拿我做參考,因為中途第一次refinement我基本無咩點戴。       最終效果圖!!!登登             總結一下, 我既療程係46000HKD, 包括覆診,中途scan不令收費(例如zenyum每次scan 雖然話牙箍免費,但都要比1500HKD 個牙醫),包埋醫生中途wtsapp監測 最後都會送一幅固定器(zennyum都係另外收錢。) 其實加加埋埋係咪真係好好好好好遠,就每個人來自己來衡量了!     有關陳澔賢牙醫: 陳醫生是全科牙醫,並唔係專做隱適美牙箍淨係比牙箍無跟進果種! 佢診所好大間但全部都係私人診所唔係集團式,一定係牙醫本身好有實力先可以靠佢一個人咁有規模。 真係再值得值得講就係佢會自己親自解釋風險,好長氣! 我戴牙箍都有試過甩attachment 同刮損牙肉,佢會親自覆你wtsapp。你立刻安心好多。中途見到有蛀牙洗牙佢都會幫你安排到,唔洗走來走去! 而且診所係荃灣交通十分就腳! 推薦牙醫 基本上我每2-3個月就會覆診一次,就算手上牙箍未戴完,都會返診所望下排牙有無突發性既問題。陳醫生一下子會比好多牙箍我,唔會話hold住D箍等你來俾錢。   今次隱形牙箍箍牙之旅其實我自己效果都好滿意。現代科技真係幫左我地愛美的女性,避免左傳統鋼線既醜樣!各位如果心思思想箍牙,做好資料收集,記得比100%耐性來對待自己排靚牙了!     #透明牙箍 #透明箍牙 #牙套 #隱適美 #invisalign #隱適美invisalign #箍牙 #矯齒 #牙齒美容 #trioclear #zenyum #smiledirectclub #wondersmile

wahwahwahS

隱適美invisalign箍牙詳細分享,有圖(陳澔賢牙科醫生)

箍完過程一共3年幾,想講的小插曲實在太多,從頭同大家分享一下我的經歷!  可能你會覺得係打手post,不過wtever,我係好想記錄下經歷 同 真心多謝一下幫我箍牙既陳醫生, 因為排牙本身好難搞。   我本身前面門牙掂唔埋,一直都咬唔到麵吃,更加笑得唔好睇!(有相)箍完咁耐之後我終於知道叫做 - ‘前開咬合Anterior Open Bite’!仲有上下中線都對唔齊 ...   所以一直都想貪靚箍牙。睇過好多牙科醫生,為左對中線箍傳統鋼線都係要我脫4隻小臼齒,同埋打骨釘。都去過幾個隱適美KOL,趙創波,康齒堂,林靜怡。可能我個case比較難,年期長,佢地都唔係好踴躍叫我做。 我一直以為傳統鋼線,一定好過隱適美。實在實在太恐怖,一直都處於放棄狀態。   結果我因為門牙生牙瘡(為求真實有相)去睇荃灣全科陳澔賢牙醫,竟然開始我隱適美invisalign箍牙旅程。   陳澔賢醫生唔係淨係做箍牙,係咩都做全科牙醫。診所設備幾先進,咩儀器都有,佢杜牙根幫我做得好好,我臨走多口問箍唔箍到牙?   陳醫生竟然話可以,反而推薦要隱適美;但我不斷質疑是否鋼線比較好。 end up陳醫生比我質疑到煩XD 好堅決話我聽用隱適美,骨釘都唔洗落。話只需要擴闊個牙弓,前面門牙已經可以掂翻唔少。  而且隱適美做門牙掂唔到效果係好過傳統鋼線。原來鋼線一定好係錯既!   由於杜牙根時候影左CBCT(三維電腦掃描),所以睇埋確保牙齒移動時候唔會移出牙骨外面。(梗係無額外比錢啦!ha)都係第一次聽箍牙用埋3D x光睇牙腳位置,因為大部分都只用2D x光。   聽到曙光梗係去馬。我total 箍牙5萬蚊。第一次用scanner scan做clincheck收4千, 到confirm clincheck比2萬,其餘尾數每次覆診比小小,分期都唔使,省返! 每次覆診醫生都話遲D比遲d比?,慌死你比曬錢。姑娘全部好有禮貌好nice! reception個姑娘rainie好靚女   陳澔賢醫生做隱適美牙模用invisalign itero scanner來做,唔洗倒膠水。(聽返原來好多sis 倒膠水會作嘔好慘)但基本上forum 提過既牙醫全部都會用scanner,唔需要我多講。   開頭話牙模大概1個月之後返去睇clincheck, 但係我等左3個月.....本身想投訴haha,但原來陳醫生比我睇返將個clincheck改左18次.....因為佢要試好幾個方案先決定到! 所以坊間好多自助箍牙,唔係話唔行,不過真係唔係咁簡單!   最終我total 係 1次治療(未戴曬)+2次refinement = 55+30+17 = 102 個箍,每個戴10日。頭頭尾尾箍左3年幾。醫生每次比箍都比好多個,但就照樣3個月覆診一次,唔會因為無比錢就hold住D箍。 中途試過偷懶,試過戴得唔好,比醫生話過我。陳醫生係會洗你腦,誓死要你戴好個箍,好似 personal trainer 咁篤住你!佢超級強調戴箍22個鐘都唔夠,最好24個鐘。    我最最記得,上箍黏完粒粒個appointment,臨走時佢問我, ‘如果突然地震,你要拿咩走?’    我答“電話?”.........然後佢竟然罰我留堂,咩料....去第二間房等佢。而我又未明,竟然果下又真係坐係到,好認真咁霖個答案。霖霖霖,然後佢5分鐘後行入來問我知道答案未。 原來個答案係,就算地震第一時間記得拿走曬D 牙箍hahahahhaha 。 所以基本上想箍透明,自己安份戴箍好重要。我基本上戒左食零食,大部分時候飲水,皮膚係好左。因為醫生話一除左個箍就要開始有內疚感,唉所以後尾都懶得除箍,不如唔好吃。就來男朋友約吃飯都唔去啊!幫佢省一筆,吃飯錢比埋我箍牙算數。   另外最後講一講,大家箍牙最驚被醫生收曬錢半途而廢。陳醫生好明顯唔同,佢診所卡片個wtsapp佢自己覆,有時候半夜都會應你。如果唔想下下去尖沙嘴中環,可以考慮下。   仲有最後既最後,我順道求證過,現在其他牌子zenyum,smileloves 果D效果如何。 原來新出牌子基本上矯正只適合前面幾隻門牙簡單排齊。如果涉及後面大牙移動,就做唔到,要用返隱適美invisalign。   總之3年過去,終於完成漫長既箍牙,趁lee個肺炎期間超級假期home office整理一下回憶。盼望肺炎盡快過去,所有人可以好似以前感。好似隱適美公司係肺炎期間有推廣,大家可以自己問下。  希望各位箍到牙整齊 身體又健康   #隱適美 #invisalign #箍牙 #透明箍牙 #荃灣箍牙 #牙醫 #zenyum #similelove  

lailaiwzwz

隱適美矯齒隱形牙箍

一個美麗的露齒笑容吸引人的視線,但我的牙齒天生不整齊,從少欠缺自信,不喜歡露齒而笑,擁有美觀又整齊的牙齒是我的夢想,怕痛怕吃不到美食,怕鐵線牙箍好礙眼,不是每個人都可以接受,因此令我卻步。       Invisalign HK隱適美矯齒隱形牙箍在香港及澳門有近千位的合作牙醫,隱適美由醫生操作,每個細節都好專業,每一個隱適美療程、每一副牙箍都係獨立由牙醫處方及監測。要開始療程,首先需要拍多角度照片及X-Ray,因為要牙醫多方面考慮輪廓、咀形、牙齒情況、牙腳、牙床等。       我去了銅鑼灣新開的隱適美體驗館,職員展示牙箍物料俾我睇,真係薄得嚟柔韌,彈性好高。職員解釋呢個物料係隱適美研究左260隻物料兼開發8年,就係martTrack,仔細看可以見到一層層複合層。原來每一副牙箍係會不斷改變裡面的複合層,和牙齒或額外黏在牙齒上的附件粒粒 (功能像手柄一樣) 產生持續和輕柔的力,準確地推動牙齒移動。所以物料的彈性非常重要。相反,我在網上看到SmileLove同 Zenyum的牙箍,的確冇複合層,好似一層厚嘅包書膠,而且牙肉邊唔跟牙形,一條直線可能界牙肉。       一個有經驗的牙醫可以了解你的牙齒可以移動幾多、幫你計劃精準的移動、最快捷同安全的移動路線等。原來隱適美療程模擬計劃,仲可以有多過一種方法去預計,比如我唔想剝牙,又想改善小突出的嘴部,可以擴大牙弓,或者磨牙縫等。原來我可以同牙醫傾點揀,甚至乎想移前面D牙先,只要夠位就得。隱適美的牙醫跟進得密,有得睇、有得傾,真係好安心。反而SmileLove只係完成一個指示,就跟住下一個指示做。過程效果冇得揀,過程想傾吓都唔知搵邊個。Zenyum雖然有牙醫攞模,但牙醫一D都冇解釋個療程,話問Zenyum,感覺唔專業。       看見很多朋友整理不整齊的牙齒,她們都選用隱形牙箍都是隱適美,調整後都變得很漂亮,我便到隱適美官網了解更多,全球瞬速超愈680萬用家,No.1 最多朋友推薦隱形牙箍品牌,76%用家受訪者更已推薦1個或以上朋友/親戚使用隱適美。隱適美的隱形牙箍擁有超過880項專利 ,更獲美國FDA批准,專業可靠 - 經臨床實證能矯正廣泛個案,並為牙醫所推崇。       Invisalign HK隱適美矯齒隱形牙箍在療程開始前提供專業的諮詢,療程平均12-18個月,由隱適美牙醫為你度身打造並監控療程。     Invisalign HK 隱適美矯齒隱形牙箍 Website ︰​https://www.invisalign.com.hk/zh/about-invisalign Facebook︰https://www.facebook.com/HKInvisalign     銅鑼灣開咗全亞洲首間體驗館,由謝安琪擔任代言人。   免費諮詢,推廣health talk,或折扣優惠活動。  

gigibeauty

健齒美觀 - 隱適美矯齒隱形牙箍

牙齒是我們身體重要器官,有非常重要的作用。當我們知道,原來一直到老到死都會留在我們身邊的是我們的牙齒時,就要好好保護自己的牙齒。 但想保護,也有很多方法,有時即使勤刷牙,也未必可以把牙齒好好保全。很多人常因生理性原因或患口腔疾病,造成部分牙齒或全口牙齒缺失。 作為blogger & model,小M我更明白健齒的重要。而擁有整齊牙齒一定是健齒的第一步。 也因為貪靚,所以小M我一早鎖定使用隱形牙箍,眼見市面上最近有很多隱形牙箍,朋友也介紹了很多,但見到他們的經歷,真的令我卻步......為何? 原來坊間有很多同類的隱形牙箍品牌,除了沒有獨立由醫生處方,還沒有人跟進療程~~我真的好怕!我有一位朋友做過牙模,過程中不但有度身打造牙模,而且也沒有因應她的情況而為整個過程進行跟進。最後竟然要朋友多花金錢,又說要補牙又說要脫牙~~~~OMG! 如果想做隱形牙箍,可以怎麼辦? 直到我了解隱適美! 隱適美是No.1 最多朋友推薦隱形牙箍品牌,隱適美隱形牙箍擁有超過880項專利,更獲美國FDA批准,經臨床實證能矯正廣泛個案,並為牙醫所推崇。隱適美矯齒隱形牙箍完全是可以幫到我和一眾美魔女~~ 隱適美牙醫會了解你希望改善的方向及顧慮,並利用口腔掃描器或套取牙模為你的牙齒創造一套立體數影像,用於建立合適的療程計劃!之後,牙醫會預測療程情況,讓你可以檢視並了解牙齒在療程中每階段的移動和模擬最終位置,同時亦能預測療程可能需要的時間長度。 雖然隱適美所有牙箍都一次過製造好,但牙醫只會分階段俾牙箍,原因係牙醫定期的監測非常重要,因為每個人的身體反應狀況都可以很不同,一定要臨床檢查,確保有足夠空間之餘,移動亦有效安全。 其間不似別的同類品牌,會突然要求客人加錢轉其他牙箍。 而且每隔大約6-8週便需要讓隱適美牙醫覆診檢查 ,監控你的療程進度,並取得下一系列的牙箍! 很多時外間的同類品牌也沒有覆診這一步,這樣不能完全知道自己的情況~ So Sad! 再者,坊間有很多都是由Sales顧問解答客人問題,坦白說其實答不到。直到真的前往找牙醫,牙醫可答到你關於牙齒上的問題,但上去就先要付$1500,這方面隱適美實在優勢很多! 我有朋友,牙齒之後出了問題,返去檢查真是千千聲的付.......好肉痛! 隱適美擁有多項專利和外國認證,有近千名合作牙醫,而且會為客人安排定期覆診並由牙醫監控療程,價格雖高但專業可靠!牙齒是陪伴自己一世的好朋友,所以要靚之餘,還要選擇可靠和有效的矯齒隱形牙箍品牌!       Reference: 官方網站 : https://www.invisalign.com.hk/zh/about-invisalign Facebook : https://www.facebook.com/HKInvisalign       ___________________________________________________       FB: https://www.facebook.com/blogger.l.ming/ blog: http://mingproduce.blogspot.hk/ IG: www.instagram.com/ming.pa/ Girls女生日常: https://pretty.presslogic.com/author/ming-pa UBlog:https://blog.ulifestyle.com.hk/blogger/mingproduce/ Openrice ~ Ming L. (Level 4) Tripadvisor ~ MingL825 (Level 5) 大眾點評 ~ MingL (Level 3)                 #880項專利科研 #美國FDA批准 #隱適美 #謝安琪都選用 #Invisalign #No1隱形牙箍 #9成以上用家滿意 #真正性價比

Ming PA

隱適美箍牙consult醫生+價錢比較分享, 已揀好醫生lu

最近心思思想箍牙, 於是呢一個月黎就搵左幾位比較有名氣既牙醫做consult,由於覺得自己問題唔嚴重(幾位醫生都話我唔洗剝牙), 所以無打算搵專科,因為專科醫生比普通科貴好多.第一個consult係長沙灣趙x波, 報價$48000, 咁多個之中最貴,而且佢係每3個月先覆一次診, 係我consult幾位醫生之中最耐,我準時到達, 不過等到我變左化石, 等左個幾鐘,如果每次覆診都要等咁耐真係唔掂, 所以一定唔揀.其實有朋友好多年前係佢度箍, 佢已經警告過我會等到痴線,不過諗住反正consult唔洗錢就去聽多個意見.第二個係林x怡, 報價$42000, 價錢合理好多, 而且唔算等好耐,不過林醫生有講到明個case唔會全程都係佢跟,唔係全程佢跟都唔緊要啦, 不過最重要係唔會係固定醫生,即係可能次次都唔同醫生, 而且感覺佢好似有少少hea,所以都唔係太岩心水.第三個係Dr Nicholas, 係之前睇到香討呢度個jm長篇分享所以去,曾醫生報價$38000, 我去到等左5分鐘就入左房見醫生,佢好溫柔, 講解都好詳細, 仲比左同我情況差唔多既相比我睇,感覺呢個醫生唔錯.第四個係游x華, 報價咁多個之中最平$32000, 有介紹人減$3000,即係最平$29000就有得做, 不過就講明唔係游醫生做而係指派其他固定醫生,如果想搵返游醫生既話, 就要加多$7000, 即係$37000, 但唔包固定器,而套固定器其實都要幾千蚊一套, 而且之前睇左jm既分享, 都好認同搵主要個位醫生去做療程既重要性,游醫生都唔算要等太耐, 不過指派既醫生就唔知, 當日無即時落決定.其實原本仲有諗過去consult中環羅x道, 感覺佢都幾多人搵佢做,而且我follow開既blogger龍x媽媽早排力推.  不過上網做左好多research,又係隱適美既官方facebook度爬文, 睇到唔止一個網友留comment話比佢箍衰左,所以即時放棄左念頭.返去考慮過各種因素之後, 都係比Dr Nicholas既溫柔吸引到(講笑),價錢都係考慮之一, 報價$38000, 不過有jm做介紹人即減$2000,另外依家有coupon攞又減$1000, 二人同行再每人有得減$2000,我係第2個forum好快已經搵到人同我夾, 即係減左$5000, $33000就做到.完成2項任務之後仲送一次洗牙, 琴日我已經比左$8000印左模啦!  期待1個月後睇clincheck!希望我呢篇分享可以幫到各位想箍隱適美既朋友仔,不過既然醫生做consult係免費既, 建議大家有時間既話做多幾個慢慢揀,雖然話早箍早享受, 但都唔急在個一時, 揀醫生最緊要岩feel.

cocacoco

如有任何問題, 請給我們發送訊息